Pakistan film statistics from 1965

The film of 1965

بھارتی فلموں پر مکمل پابندی

• 6 ستمبر 1965ء کی پاک بھارت جنگ کے بعد پاکستان میں بھارتی فلموں کی نمائش پر مکمل پابندی لگا دی گئی تھی جس سے پاکستانی فلموں کو بلا مقابلہ کھلا میدان مل گیا اور فلموں کی تعداد اور کامیابیوں میں نمایاں اضافہ ہو گیا تھا۔

پہلی پلاٹینم جوبلی پنجابی فلم


• 19 نومبر 1965ء کو ریلیز ہونے والی پہلی پلاٹینم جوبلی پنجابی فلم  جی دار (1965ء) تھی۔ ہدایتکار ایم جے رانا کی اس فلم کا ٹائٹل رول اداکار سدھیر نے کیا تھا۔ اسی فلم کی نمائش کے دوران رٹز سینما لاہور کی گیلری گر گئی تھی جس سے متعدد افراد ہلاک و زخمی ہو گئے تھے۔

ڈبل گولڈن جوبلی کا منفرد ریکارڈ

• 5 نومبر 1965ء کو ریلیز ہونے والی ہدایتکار رشید اختر کی فلم ملنگی (1965) کے بارے میں روایت ہے کہ اس فلم نے ایک ہی سینما (اوڈین) پر دو بار گولڈن جوبلی کا اعزاز حاصل کیا تھا۔ اکمل کے فلمی کیرئر کی یہ سب سے بڑی فلم تھی جس میں وہ ٹائٹل رول میں تھے۔

پہلی سینما سکوپ فلم

• 3 دسمبر 1965ء کو ریلیز ہونے والی ہدایتکار مستفیض کی فلم  مالا (1965) ، پاکستان کی پہلی سینما سکوپ رنگین فلم تھی جو ڈھاکہ میں بنائی گئی تھی۔ سلطانہ زمان اور عظیم ، فلمی جوڑی تھے۔
  اس سے قبل 12 اپریل 1965ء کو ہدایتکار ظہیر ریحان کی فلم بہانہ (1965) ، پاکستان کی پہلی بلیک اینڈ وہائٹ سینما سکوپ فلم تھی۔ یہ فلم کراچی میں شوٹ ہوئی تھی۔ کابوری اور رحمان مرکزی کردار تھے۔

علاؤالدین کی 100 فلمیں

ہدایتکار حسن طارق کی سپرہٹ پنجابی فلم پھنے خان (1965) ، علاؤالدین کے فلمی کیرئر کی 100ویں فلم تھی۔ فلموں کی سینچری بنانے والے وہ پہلے پاکستانی اداکار تھے۔
ندیم کی آمد


ندیم

اردو فلموں کے سپرسٹار ہیرو ندیم کی آمد ایک پلے بیک سنگر کے طور پر ڈھاکہ میں بننے والی فلم کیسے کہوں (1965) سے ہوئی تھی۔ شہرت کا باعث مشرقی پاکستان کی سب سے کامیاب اردو/بنگالی فلم چکوری (1967) بنی جس میں بطور اداکار/ہیرو نظر آئے۔ کراچی میں باکس آفس کے کامیاب ترین اداکار تھے۔ دو سو سے زائد فلموں میں کام کیا تھا۔

1965 کے دیگر اداکار

اعجاز اختر فلم بہو بیگم (1965) ، ناہید اور طاہرہ فلم ہڈحرام (1965) ، قوی فلم رواج (1965) ، لاڈلا فلم پھنے خان (1965) ، مینا چوہدری فلم عیدمبارک (1965) ، تانی ، مصطفیٰ ٹنڈ فلم ملنگی (1965) ، ریشماں فلم آخری سٹیشن (1965) ، زاہد خان فلم زمین (1965)

1965 کے مرحوم اداکار

اداکار آغا سلیم رضا اور سلطان کھوسٹ

نورجہاں کو بریک تھرو ملا

ملکہ ترنم نورجہاں کو پلے بیک سنگر کے طور پر اردو فلموں میں بڑا ٹف ٹائم ملا۔ پہلے نسیم بیگم تھی تو پھر مالا اور رونا لیلیٰ آگئیں۔ ستر کی دھائی میں ناہید اختر اور مہناز نے میڈم نورجہاں کو پنجابی فلموں تک محدود کردیا تھا۔ میڈم کی پہلی پنجابی فلم رانی خان (1960) تھی لیکن پنجابی فلموں میں بریک تھرو فلم پھنے خان (1965) میں حزیں قادری کے لکھے ہوئے اور سلیم اقبال کے کمپوز کیے ہوئے اس سپرہٹ گیت سے ملا تھا:
• ٹٹ گئی اج انجوآں دی مالا ، گھر آیا نئیں کرماں والا ، خیر ہووے شالا ، جیو ڈھولا۔۔
1968ء کے بعد اگلی تین دھائیوں تک میڈم نورجہاں سالانہ سو سے زائد گیت گاتی رہیں اور پنجابی فلمی گائیکی میں ان کا دور دور تک کوئی مد مقابل نہیں ہوتا تھا۔

مالا کی سب سے بڑی نغماتی فلم

اسی سال گلوکارہ مالا کے فلمی کیرئر کی سب سے بڑی نغماتی فلم نائیلہ (1965) بھی ریلیز ہوئی جس کے سبھی گیت بڑے مقبول ہوئے تھے۔ ماسٹر عنایت حسین کی موسیقی میں قتیل شفائی اور حمایت علی شاعر کے گیت تھے۔ 1966ء سے 1969ء تک مالا نے سالانہ سو سے زائد کی تعداد میں گیت گائے تھے۔

جاگ اٹھا ہے سارا وطن

فلم مجاہد (1965) ، پاک بھارت جنگ کے دوران ریلیز ہوئی۔ اس میں شامل کیا گیا حمایت علی شاعر کا لکھا ہوا ترانہ اس دور کا مقبول ترین جنگی ترانہ ثابت ہوا تھا:
• ساتھیو ، مجاہدو ، جاگ اٹھا ہے سارا وطن۔۔
اس لازوال ترانے کو مسعودرانا ، شوکت علی اور ساتھیوں نے خلیل احمد کی دھن میں گایا تھا۔

خواجہ پرویز کی آمد



خواجہ پرویز

پاکستان میں سب سے زیادہ اردو اور پنجابی فلموں کے گیت لکھنے والے فلمی شاعر خواجہ پرویز نے بطور اداکار فلم کلرک (1960) سے فلمی سفر کا آغاز کیا تھا۔ بطور گیت نگار ان کی پہلی فلم رواج (1965) تھی۔ ان کا لکھا ہوا پہلا گیت مالا نے ماسٹر عنایت حسین کی دھن میں گایا تھا:
• دور دور رہ کے گزارا نہیں ہوگا ، تمہارا نہیں ہوگا ، ہمارا نہیں ہوگا۔۔

ندیم کی آمد



ندیم

کراچی سے تعلق رکھنے والے مرزا نذیر بیگ مغل عرف ندیم کو گلوکاری کا شوق تھا۔ ڈھاکہ میں اپنی ملازمت کے دوران ایک فلم کیسے کہوں (1965) میں اپنا پہلا فلمی گیت گانے کا موقع ملا:
• کیسے کہوں میں جاناں او جاناں۔۔
یہ ایک دوگانا تھا جو فردوسی بیگم کے ساتھ گایا گیا۔ الطاف محمود موسیقار اور سروربارہ بنکوی شاعر تھے۔

1965ء کی نغماتی فلمیں

ایسا بھی ہوتا ہے ، عید مبارک ، نائیلہ ، ملنگی ، جی دار ، کنیز ، زمین

Naeem Rizvi

(Aisa Bhi Hota Hay)

Tahira

(Hadd Harram)

Naheed

(Hadd Harram)

Qavi

(Riwaj)

Ladla

(Phannay Khan)

Khawaja Sarfaraz

(Devdas)

Iqbal Yousuf

(Eid Mubarak)

Meena Chodhary

(Eid Mubarak)

Kathana

(Sanam)

Nadeem

(Kaisay Kahun)

Razia Butt

(Naela)

Mustafa Tind

(Malangi)

Tani

(Malangi)

Reshma

(Aakhri Station)

Zahid Khan

(Zamin)

Raja Hafeez

(Khota Paisa)

Saleem Raza

(08-07-1965)

Sultan Khoost

(17-02-1965)

Nazia Hassan

(03-04-1965)

Noorjahan
24 songs

Zubaida Khanum
0 songs

Naseem Begum
54 songs

Mala
95 songs

Irene Parveen
81 songs

Runa Laila
0 songs

Naheed Akhtar
0 songs

Mehnaz
0 songs

Naseebo Lal
0 songs

Inayat Hussain Bhatti
2 songs

Saleem Raza
24 songs

Munir Hussain
19 songs

Mehdi Hassan
7 songs

Ahmad Rushdi
44 songs

Masood Rana
35 songs

Akhlaq Ahmad
0 songs

A. Nayyar
0 songs

Ghulam Abbas
0 songs

G.A. Chishti
10 songs

A. Hameed
19 songs

Nisar Bazmi
9 songs

Nashad
0 songs

Tanvir Naqvi
21 songs

Qateel Shafai
32 songs

Hazin Qadri
40 songs

Waris Ludhyanvi
29 songs

Ahmad Rahi
7 songs

Fyaz Hashmi
46 songs

Masroor Anwar
19 songs

Khawaja Parvez
6 songs

Taslim Fazli
0 songs