جسٹس تصدق حسین جیلانی

پاکستان کے بائیسویں چیف جسٹس …… تصدق حسین جیلانی …… بمشکل سات ماہ تک اس عہدہ پر فائز رہیں گے۔ انہوں نے بھی …… جنرل مشرف …… کے پی سی او کے تحت حلف نہیں اٹھایا تھا اور جبری ریٹائر کر دئے گئے تھے لیکن 23 مارچ 2009ء کو عدلیہ کی بحالی پر انہوں نے بطور جج اپنی بحالی کے صدارتی فرمان کو منظور کر لیا تھا۔ ایمر جنسی اور پی سی او کے غیر آئینی قرار دیئے جانے کے بعد وہ تمام جج ریٹائر ہو گئے تھے جنہوں نے پی سی او کے تحت حلف اٹھایا تھا ، اس طرح جسٹس جیلانی دوسرے سینئر ترین جج بن گئے تھے۔ ان کے بعد …… (اگر کوئی اور طالع آزما آمراپنے پی سی او کے ساتھ نہ آن ٹپکا تو …… خاکم البدہن!!!) ……جسٹس نصرالملک ……6 جولائی 2014ء سے 15 اگست 2015 ء تک چیف جسٹس کا عہدہ سنبھالیں گے۔