ڈان لیکس

6 اکتوبر 2016ء کو انگریزی ڈان اخبار میں ایک صحافی سیرل المائڈہ نے وزیر اعظم ہاؤس میں ہونے والے ایک اہم اجلاس کے حوالے سے خبر دی جس میں غیر ریاستی عناصر یا کالعدم تنظیموں کے معاملے پر فوج اور حکومت میں اختلافات کا ذکر کیا گیا تھا تاہم فریقین نے اس خبر کو من گھڑت اور بے بنیاد قرار دیا تھا۔

"ڈان لیکس" کے نام سے مشہور اس سکینڈل پر سیرل المائڈہ (Cyril Almeida) کا نام ایگزٹ کنٹرول لسٹ میں ڈال دیا گیا اور اس خبر کی اشاعت پر قصوروار ٹھہراتے ہوئے 30 اکتوبر 2016ء کو وزیرِ اطلاعات پرویز رشید کو ان کے عہدے سے سبکدوش کر دیا گیا تھا۔ 7 نومبر 2016ء کو حکومتِ پاکستان ' قومی سلامتی کے منافی ' خبر کی اشاعت کی تحقیقات کے لیے ریٹائرڈ جج کی سربراہی میں سات رکنی کمیٹی تشکیل دی جس میں بیوروکریٹس کے علاوہ خفیہ اداروں کے اہلکار بھی شامل تھے۔ وزارتِ داخلہ کے نوٹیفیکیشن کے مطابق سات رکنی کمیٹی کی سربراہی ایک ریٹائرڈ جج کو سونپی گئی ہے جس میں بیوروکریٹس کے علاوہ خفیہ اداروں کے اہلکار بھی شامل تھے۔

29 اپریل 2017ء کو وزیراعظم نواز شریف نے "ڈان لیکس" سے متعلق انکوائری کمیٹی کی سفارشات منظور کرتے ہوئے بتایا کہ خارجہ امور سے متعلق معاون خصوصی طارق فاطمی سے بھی عہدہ لے لیا ہے لیکن پاکستان کی فوج کے شعبہ تعلقات عامہ کے سربراہ میجر جنرل آصف غفور نے ایک ٹویٹ میں وزیر اعظم ہاؤس کی جانب سے ڈان لیکس کے حوالے سے جاری کیے گئے اعلامیہ پر عدم اعتماد کا اظہار کرتے ہوئے ٹویٹ کیا "یہ نوٹیفیکیشن مسترد کیا جاتا ہے۔۔!"