آرمی چیف جنرل جہانگیر کرامت

پاکستان کے بارہویں آرمی چیف …… جنرل جہانگیر کرامت …… کو دو ماہ قبل ہی اپنے عہدے سے مستعفی ہونا پڑا تھا کیونکہ انہوں نے …… نیشنل سیکورٹی کونسل …… کے قیام کی تجویزپیش کی تھی جسے وزیر اعظم میاں نواز شریف نے مسترد کر دیا تھا اور ان سے استعفیٰ لے کر دو افسران کو سپر سیڈ کر کے …… پرویز مشرف …… کو نیا آرمی چیف مقرر کیا تھا۔ اس دور کے دیگر اہم واقعات میں پاکستان کا ایٹمی طاقت بننا تھا جب 11مئی 1998ء کو چاغی کے مقام پر پاکستان نے کامیاب ایٹمی دھماکے کئے تھے جبکہ اسی دور میں پہلی بار پاکستان کے تعاون سے امریکہ نے افغانستان پر کروز میزائل کا حملہ بھی کیا تھا۔ اسی دور کا ایک اہم ترین واقعہ 5 نومبر 1996ء کو …… وزیر اعظم بے نظیر بھٹو …… کی حکومت کا خاتمہ تھا جن کے دور میں ان کا اپنا بھائی …… مرتضیٰ بھٹو …… ہلاک ہوا تھا۔ عدالت نے بھی آٹھویں ترمیم کے تحت بے نظیر بھٹو کی حکومت کی برطرفی کو جائز قرار دیا تھا جس پر …… کنگرو کورٹس …… کا جملہ مشہور ہوا تھا۔ اس وقت کے صدر …… سردار فاروق لغاری …… نے اپنی پارٹی کی حکومت کو بر طرف کیا تھا۔ 17 فروری 1997ء کے انتخابات میں ایک بار پھر …… میاں نواز شریف …… بھاری اکثریت سے وزیر اعظم منتخب ہوئے تھے اور آٹھویں ترمیم کا خاتمہ بھی ہوا تھا۔