ضیاء الحق

عہدہ: آمر/ چیف مارشل لاء ایڈمنسٹریٹر/خودساختہ صدر مملکت (16ستمبر 1978) …… پیشہ: فوجی جنرل …… پارٹی: پاک فوج
عرصہ اقتدار: 5 جولائی 1977ء …… تا …… 17 اگست 1988ء (گیارہ سال ایک ماہ)
عرصہ حیات: 12اگست1924ء …… تا …… 17 اگست 1988ء عمر:64 سال …… پیدائش: جالندھر …… زبان: پنجابی

پاکستان کے چھٹے صدر ، جنرل ضیاء الحق ، جو پاکستان کی تاریخ کے ایک بد ترین اورسفاک ترین فوجی آمر ثابت ہوئے تھے۔ انہوں نے ایک منتخب حکومت کا تختہ الٹا ، دو وزرائے اعظم بر طرف کئے۔ پاکستان کے واحد متفقہ آئین کو معطل کر کے ملک کی تاریخ کا طویل ترین مارشل لاء لگایا اور پھر خود صدر بھی بن بیٹھے۔ بدنام زمانہ آٹھویں آئینی ترمیم کی تشکیل کے مجرم بھی تھے۔

پاکستان کی تاریخ میں پہلی بارنام نہاد اسلامی نظام کے نفاذ کی آڑ میں اپنے مذموم سیاسی مقاصد کی تکمیل کی اوردین اسلام کو بدنام کیا۔ اسلام میں کسی آمر کی مطلق العنانی کی دور دور تک کوئی گنجائش ہی نہیں اور نہ ہی قرآن و حدیث کی روشنی میں کسی آمرکے کرتوتوں کا دفاع کیا جا سکتا ہے۔ اپنے پیش رو کو ایک بے بنیاد مقدمہ میں بے گناہ پھانسی کے پھندے تک پہنچایا تھا اور خود ایک فضائی حادثے میں جل کر خاکستر ہوگئے تھے لیکن پورے سرکاری اعزاز کے ساتھ تدفین کی گئی تھی۔۔!